最火爆椰子鸡主题餐厅杀入中华广场商圈,广州食椰子鸡我只服这家!

专业吃货应该要具备咩素质？

食极都唔饱嘅大胃口？

？

最重要嘅係要有100%嘅耐心！

因为喺广州

美食一般都要排队排到想讲粗口

就好似全城最火爆嘅椰子鸡主题餐厅

开业至今日日爆场、排队已经係主旋律

万万无谂到

以后，终于可以唔洗排咁耐队喇

点解嘅？

因为凤园椰珍中华广场店

终于要开业啦

既然新店开张

先去探探有无新品先

          主菜

相对于川系火锅嘅麻辣燥热，清润嘅椰子鸡煲绝对更适合广州人嘅口味。作为今次嘅主角+主打招牌套餐，师傅特意将椰子鸡配搭上胶质丰润嘅花胶、清新解热嘅时蔬组成花胶三宝鸡，一次满足你所有愿望！

养足180日嘅海南文昌鸡，食椰子肉、饮椰子油长大，浑身上下散发住淡淡椰香；因为从细放养，运动量大，鸡质紧实嫩滑，更容易吸收汤底嘅味道！

所用鸡肉全部由海南空运，保证品质安全。严格按照标准处理消毒，保证客人食得嘅係最安全放心嘅食材。

三宝其实分别係秋葵、百合、小南瓜，清新嘅味道为成个鸡煲增色不少，秋葵滑润不腻，小南瓜鲜美多汁，绝对係汤底越煮越清甜嘅关键！

锅底由原只椰青水、椰子肉组成，等到沸腾嘅时候，就可以倒入鸡肉、花胶同三宝。文昌鸡鸡质耐火唔惊煮得耐，但係想品尝最滑溜嘅鸡肉、最清甜嘅汤底，就要依足师傅教路喇！

首先大火煮2分钟，再转最细火煮1分钟，食得！控制唔好时间？唔洗担心，贴心咁为你配备计时器，一响就可以卷起衫袖，开煲啦！~

食椰子鸡最关键嘅步骤，就係食肉之前先饮一碗清汤。椰子汤咕噜咕噜咁翻滚，连周围嘅空气都充斥着淡淡嘅椰香，一啖入口甘甜清润嘅味道简直渗透落心。

迫不及待捞起一旧鸡肉，汤底嘅清甜完美衬托出鸡肉嘅嫩滑鲜味。鸡煲越食越香，诱人嘅椰香令人根本停唔到口，再加上滋补嘅花胶，口感更加嫩滑~

当然少不了椰子鸡专用酱料：豉油+小椒圈+葱花+青橘嘅调和，每位客人可以根据个人口味调配酱汁，补充微酸不腻嘅余味。

                                        配菜

将海南空运嘅九节虾手打成长条状，再酿入竹笙。虾滑弹牙，竹笙爽口，饱吸汤底嘅椰汁清香，相当入味！食落首先感受到汤汁从竹笙中溢出，紧接着爽嫩虾滑触碰舌尖，两种食材嘅结合带来前所未有嘅口感！

表面睇好似其貌不扬喔？咪猪肉丸一粒？其实内有玄机！睇人唔可以睇表面，原来睇肉丸都係嘎！

当你轻轻一咬，爆出来嘅竟然係榴莲馅！师傅将榴莲肉酿喺新鲜手打猪肉丸入面，口感弹牙，榴莲流沙般嘅口感浓醇香甜，榴莲控必点！

云南特产，完全係菌如其名，羊肚嘅外表却有鲜甜嘅味道！好特别！据说更有预防感冒增强免疫力嘅功效，初春广州温差大，好容易感亲，就最岩食羊肚菌补一补~

野生小马蹄更係颠覆大家对普通马蹄嘅印象，细细一粒却有大大嘅味道，爽中带糯，越咬越清甜甘香！

芦荟有抗衰老、美颜嘅功效，但係用嚟打鸡煲小编真係第一见！来自海南嘅芦荟晶莹剔透，带有自身特有嘅芳香，入味功力一流，汤底嘅清甜通通比佢吸收！

果然，餐厅鸡嘅元素无处不在。你睇，连装皇帝菜嘅器皿都係一只“小公鸡”， 新鲜茼蒿放喺上面犹如张开嘅尾巴，创意十足！

          凉菜

餐厅又一人气小食！要将黑掹掹嘅乌鸡脚放入口可能需要一啲勇气，但係只要一试就会停唔到口！麻辣逼人越食越香，无谂到喺度都可以食到如此正宗嘅川味！

呢个係雪糕？NONONO！係有住雪糕般口感嘅淮山，将养生淮山碾成泥状，再淋上酸甜嘅蓝莓酱，口感特别细腻，斋睇都好有食欲！

眼阔肚窄星人样样都想试下，就可以选择凉菜拼盘喇~一次过满足你三个愿望，品尝三种唔同风格各有特色嘅凉菜。

                                        主食

采用海南红米、香米、菠萝、烧肉等材料一起翻炒，係一款带有海南特色又融入咗粤式口味嘅炒饭。红米独特嘅口感令炒饭

          甜品

餐厅网红甜品！每日限量供应，先到先得！由原只老椰子切开，用椰汁代替水去炖蛋，口感极似双皮奶般绵绸，却多咗椰子嘅清甜，又比普通炖蛋少咗分甜腻，确实不负盛名！

同其他门店样，踏入新店就被原生态装修风格所吸引，睇住茂盛嘅绿植、海南风光图片，仿佛置身于热带丛林一样，情不自禁就会放慢脚步。

餐厅用屏风划分为多个部分，保留咗食饭嘅独立空间之余，亦唔会令客人感觉封闭。同时亦有包房适合聚餐派对。

还有无处不在独一无二嘅手绘椰子壳

三楼设有露台位置，环境清幽，令客人可以喺室外用餐，感受初春鸟语花香嘅广州。

凤园椰珍立足广州已经四个年头了，一直专注出品，更係广州椰子鸡煲嘅佼佼者，食厌川菜、日料无胃口嘅时候，一个甘甜清润嘅椰子鸡煲就肯定无错。