俗语话：“宁可食无菜，不可食无汤。”

无论喺老火靓汤、炖汤或者滚汤，每餐饭都肯定会有一煲汤。

点解广州人咁中意饮汤？其实同广东湿热噶天气有关，而且汤噶种类会因为季节变更而改变。长久以来，汤就好似同广东凉茶一样，成为广州人不可或缺噶一部分。


广州人非常重视汤水，细个果阵，阿妈就会追住我饮汤，到大个翻到屋企食饭，都依然会话“今日煲咗xxx汤，记得饮多碗汤！”如果亲朋戚友病了，都会拿保温壶拿住一壶汤去，再多说话，都比不上一碗汤暖心。


老人家话，广州人家家都识煲汤炖汤，汤谱通常都喺老人家教落，味道都喺一代接一代咁传落来，距地将自己心机同温暖都摆晒落汤入面，每个阿妈都会有一两款拿手靓汤勾住你噶心，更对在外打拼的年轻人牵肠挂肚。


“女人靠个妆，男人靠个汤。”
对于好多年轻人来讲工作太过忙碌，炖汤要由准备材料再到完成，需要3-4个钟，实在太费时，有时间煮到一餐饭已经喺理想状态，有d甚至唔识煮...


所以，每当想饮汤噶时间，大部分人都会选择去饮一盅炖汤，而且十几蚊就有交易。


好多人会因为自己最近身体状况以及天气而选汤，你唔识，咪问声老板咯。老板就会推荐你，例如肺热就要碗炖猪肺润一润，热气就要碗鸡骨草猪横脷清热，当然仲会有咩壮阳滋阴补肾噶汤啦，咁我当然喺唔需要噶啦。


炖汤铺就好似我地第二个温暖噶“家”，喺你需要噶时候帮你身体“补给”一下。毕竟广州炖汤太多了，所以我地去试咗身边十几间炖汤铺，选出以下10家炖汤推荐俾你地！

点为知一盅靓炖品？

有明显的挂盅

吃完之后不口渴

汤够清

（如果浑浊那叫煲汤)

汤料比例好！


勉记炖品皇(文明路店)


老板做咗20几年，同达杨同期出道，更有家传秘方，每日由老板亲自喺屋企炖好一煲有秘方噶汤胆拿到店内，分到唔同噶炖品，令汤汁更加温补不上火。


老椰子炖乌鸡，炖噶时间真喺足够，可以见到杞子已经化开。但喺今次d鸡肉好肥，所以炖出来比较油，整体感觉味道比较浓。

泰沙路果间勉记比较旧，我都喺去完再来文明路发现又有间勉记，问咗下老板先知道原来喺同一个老板。（泰沙路勉记在文章后面）


椰子炖乌鸡 ¥19

地址： 文明路144号


达扬原味炖品

达扬就唔需要多介绍啦，平时经过都喺排长龙，多人到甚至位都无得坐，只能捧住汤喺路边饮。


想唔排队当然要选岩时间，只要喺星期一至五中午1点半左右去，大机率唔使排队，有位坐低慢慢饮。

椰子味够香，料够足，汤喺比较清甜，但喺如果炖噶时间再耐少少会更好。


椰子炖竹丝鸡 ¥19

地址： 文明路160-1号(近文德路)


得得地椰子炖汤

到门口就闻到好大阵鸡味，应该喺店入面劏鸡。

汤噶味道非常甜，可能喺因为落咗红枣？就算炖完之后，乌鸡味道都唔错~可惜，吃完就口渴了...


椰子炖乌鸡 ¥18

地址：吉祥北街地铁洛溪站A出口左斜对面50米


汤否

以往叫外卖或者打包炖汤翻屋企都会有倒泻噶“惨痛经历”！但喺呢个装喺真空包装，又保温，据说喺申请咗专利。


椰子竹笙炖乌鸡，乌鸡肉炖完都几好味，汤真喺好甜好甜，挖了一下椰子肉，仲喺好香，如果炖噶时间再耐d会更加完美。不过，价格上就比较贵了。


椰子竹笙炖竹丝鸡 ¥25

自行在饿了么、美团搜索


盈记原味炖品

因为品种比较多，所以个蒸柜超级高，所以见到老板拿上面果几格都要担梯先拿到。



份量好足，炖盅比平时噶要大，一碗里面竟然有6-7块猪横脷，简直喺正！平时喺阿妈喺屋企煲猪横脷我都好中意食，但喺会比较爽口，炖汤可以将d猪横脷炖到好粉，所以我中意饮炖汤多d。


鸡骨草炖猪横脷 ¥12元

地址： 文明路181号


安乐炖品


满满的一碗，睇样就知道喺真材实料了，每次来都会把汤渣吃完！

安乐炖品都喺老字号了，以前喺用井水和柴火炉来炖汤，个井就喺店中间，后来因为附近建设新楼，井水被污染，只能用来拖地，实在可惜…


鸡骨草炖猪横脷：13元

地址：同福东路582号


信行丰炖品皇店

菜牌上写满咗蝎子牛鞭羊鞭海马鹿茸等等。想喝就可以经过解决，不过要趁早来，下午未够5点，不少汤品就开始翻牌沽清……


苦瓜白豆炖排骨，满满一盅，材料不少阿，苦中带甘，夏天清热最合适。如果中午过来，炖饭也是推荐，我例牌吃开咸蛋肉饼饭。


苦白豆炖排骨 ¥13

地址：光孝路65号 


达强炖品

细细间铺头又几多选择，除咗炖汤多品种之余，仲有钵仔饭，门口有个推车做埋早餐，有猪肠粉、濑粉、粽、粥等等噶广式早餐。


菜胆海底椰炖猪肺，清热润肺。汤料就唔喺好多啦，猪肺瘦肉一两块，海底椰就得薄薄一两片，只能当饮多啖汤了...


菜胆海底椰炖猪肺 ¥15

地址： 东川路78地下


大德炖品

店面上下两层，没有怎么装修的门面，很陡峭的楼梯，有点像危房阿，还好二楼有空调，因为楼下炖汤真的很热阿。


淮山杞子炖原只鹌鹑，料足，炖的时间够，虽然卖相唔喺咁好睇，饮起身就知了。老板为人爽朗，同街坊关系都不错，叫大德炖品喺因为以前靠近大德路那边还有店在。炖饭都唔错，好多医院客唔食饭堂走出来打包。


淮山杞子炖原只鹌鹑 16元

地址：盘福直街3号


勉记

红木大理石噶长台有d似屋企噶感觉，特别喺多人噶时候，一堆人围住张台食饭饮汤。呢度都算喺的士司机饭堂了，好多的士司机都会点一个炖汤配炖饭，价钱可以话非常亲民了，炖饭先11-13蚊。


果日喉咙唔舒服，所以老板推荐我饮川贝炖鹧鸪，鹧鸪肉炖到入口即化，有薏米同无花果，够下火！

其实晚上会由炖汤店摇身一变做汕尾鱼粥，不过味道我又真喺要稳晚去试试先。


川贝炖鹧鸪 ¥17

地址： 泰沙路40-9号附近


广州人顾家，讲起汤总会霖起屋企，虽然汤材料未必喺山珍海味，但营养丰富先喺最重要，呢一刻，我只想饮碗汤...



连续日日原创精彩文章+搜罗有趣内容，你订阅了吗？

与其他人截然不同的微信公众平台——黑色污染美食手册 

搜索：hswrfood 添加！

点击关键字查看：广州  | 长沙 | 成都 | 汕头 | 西班牙 | 活泼 | 奶茶 | 台北咖啡 | 清迈 | 曼谷 | 日本所沢 | 厦门 | 济州岛 | PinkSTAR  | 亚洲BEST50 | 上海米其林 | 肠粉 | 云吞面 | 咖啡 | 世界BEST50 | 咖啡2 | 炒牛河 | 软雪糕 | 老坛酸菜牛肉面 | 日本秋田 | 冻柠茶