9蚊!10蚊!20蚊!喺全广州最抵食嘅海鲜酒家食饭係咩感觉?咪就係最贵嗰个菜先係20几蚊咯!ヾ(≧▽≦*)o一餐饭大鱼大肉食落嚟人均都只係20+,真係抵到发梦都笑啊!


宽敞舒适嘅环境,以及私密性十足嘅豪华包房

φ(゜▽゜*)♪


金喜悦呢度食饭几时都咁抵!每一期都会上新嘅特价菜,唔使次次食嚟食去都係嗰几款,而且特价菜包罗万有,从小炒到炆煲,从刺身到鱼生,咩都有得食啊!

椰子清炖鸡 48蚊
原汁原味好滋味 原价98蚊

食鸡最讲求嘅就係一个字:鲜!


将椰子同原只整鸡一齐炖,唔放任何添加剂,将椰子嘅清香逼出畀鸡肉吸收,令鸡肉嘅鲜味增添一份椰香,正!

食嘅时候可以戴上手套,闻到鸡肉香味嘅时候,我已经嚟唔切顾及形象,只想快D咬一啱眼前呢只鲜香肥美嘅大鸡髀!

鸡肉的确非常嫩滑,鸡味好重,而且食入口仲有啖啖嘅椰香,增添咗一份小清新嘅清甜。钟意重口味嘅,仲可以蘸豉油嚟食,一样咁滋味。


黄金海鲜聚宝盆 58蚊
海鲜大杂烩 原价168蚊

黄灿灿嘅颜色,满到泻出盘嘅海鲜,分量大到吓亲我,望见都情不自禁流晒口水啦!

钟意食海鲜嘅朋友千祈唔可以错过呢个海鲜聚宝盆啦,简直好似一个微型海底世界,珍宝海鲜应有尽有,鲍鱼、虾、蟹、扇贝、白贝、蟹柳、墨鱼仔,海鲜种类丰富到超出我想象!

用天然健康嘅南瓜汁烹制,仲特别加入牛奶牛油,比起普通嘅南瓜汁更多一份香浓馥郁,但係又唔会太腻太漏口,口感啱啱好。


避风塘炒蟹 9.8蚊
原价38蚊

蟹走过油外脆内软,加上辣椒,食起身好过瘾!


水果刺身拼盘 28蚊
炎炎夏日最啱食 原价58蚊

拼盘①:北极贝+甜虾+火龙果。

广州天气热辣辣,最啱就係食冰镇噶啦,呢个水果刺身拼盘除咗普通嘅刺身之外,仲有时令水果,叹完刺身再叹生果,冰爽打孖上!

甜虾爽嫩,北极贝清甜,加上夏日消暑佳品青瓜以及火龙果,加量不加价,呢个水果刺身拼盘真係超高性价比啦!(≧▽≦)


拼盘②:三文鱼+希鲮鱼+哈密瓜。

金喜悦菜式品种咁多,每一样都好想食啊!

睇下欍三文鱼几大一块~厚切噶!(*^ω^*)



正宗挪威三文鱼 58蚊/斤
丰腴肥美

呢度嘅招牌刺身,正宗挪威三文鱼,新鲜空运返嚟嘅飞机货,三文鱼纹路清晰,颜色又靓,一睇就知道好新鲜。

金喜悦呢度嘅三文鱼厚薄切得刚好,食起身唔会太腻,口感柔润啱啱好。


正宗挪威三文鱼腩 78蚊/斤
丰腴肥美2.0

除咗三文鱼刺身,仲有三文鱼腩!钟意食三文鱼嘅朋友仔梗係唔可以错过啦!新鲜!肥美!新鲜返货,保证优质出品。

三文鱼腩口感丰腴细腻,肉质嫩滑肥美,摆盘仲好似一朵朵花蕾咁靓,入口清凉滑溜,简直係味觉同视觉嘅双重享受!


大漠风沙虾 19.8蚊
原价28蚊

虾嘅分量好大,足足有成斤咁重!金蒜炸到甘酥香脆,斋闻味道就好诱人,而虾肉就爆香到外壳都可以脆到咬烂吞落肚,食起身好香口,正!



咸蛋黄焗虾 28蚊
咸香鲜美

话明係海鲜酒家,海鲜梗係唔止一种食法啦,呢个咸蛋黄焗虾,就创新将咸蛋黄同鲜虾结合,咸蛋黄同黄油融合,再均匀裹满虾身,咸香又够鲜。



香辣田鸡虾 18蚊
原价33蚊

有虾又有田鸡,辣得嚟好刺激,大大只田鸡肶好诱惑,食一欍就饮一大杯汽水,爽到痹!



海鲩鱼生 9.8蚊/斤(午市)
正宗顺德鱼生,全市最抵!

夏天到,除咗食刺身之外,鱼生都係大家嘅心头好。金喜悦嘅鱼生午市1斤只要9.8蚊晚市16.8蚊1斤!而且均包含海鲜加工费,真係抵到烂!鱼生可以碟上都可以冰盘上,任君选择。

鱼生肉质清甜,食起身结实甘爽,一啲都唔肥腻。

随便夹起一片鱼生,都可以睇到晶莹剔透嘅鱼肉,每一片都薄如蝉翼,睇唔出一丝血色,“放血”放得好有技术含量,可见师傅刀工非常了得

斋食鱼生,噉其他部位咪好浪费?唔会喔,因为金喜悦呢度仲有一鱼几食鱼瘦肉滚粥、鱼皮捞起、鱼脆骨椒盐,保证好味又冇浪费。




蒜蓉粉丝蒸扇贝 16.8蚊
原价32蚊

一上台就闻到阵阵蒜香味,扇贝好新鲜,扇贝肉都好大粒,蒜粒爆得金黄香口,而且粉丝都吸收晒蒜香,同D扇贝肉一齐味道好夹。



农家浸鲩鱼 26蚊
原价38蚊

呢条鲩鱼超级大条!目测有成2斤重!咁大一条鲩鱼,蒸好上仲要唔收加工费,只卖26蚊1条,抵到烂啦,果断点番条嚟食先!( ・ิϖ・ิ)っ


农家煮法,比起普通嘅清蒸要更加滋味丰富咯,葱丝铺满鱼肉上,仲有炒到甘香嘅花生,呢味鱼,食嘅唔止係鲜甜,仲有口感

哇~鱼肉好滑好嫩啊!╰(*´︶`*)╯



芋苗干/冬瓜干蒸海鱼仔 23蚊
原价36蚊

芋苗干,呢样食材宜家普通食肆都好少做啦,完全农家特色菜,平凡之中回归食材嘅天然美味


鸡汤虫草花浸腐皮 12.8蚊
原价23蚊

腐皮质感绵韧,而且豆香味道十足,加上营养丰富,蛋白质、氨基酸含量高,係男女老少都啱食嘅一道菜。


厚厚一层虫草花铺喺面头,材料多到好似唔使钱噉!

不得不提呢道菜嘅鸡汤,经过长时间熬制,鸡肉同鸡骨嘅精华都逼晒出嚟,畀腐皮同虫草花吸晒,一噉食落口,香醇又鲜美。


顺德爽鱼皮 12.8蚊
原价28蚊

鱼皮超级爽!而且分量好大,炒到好香口嘅花生,做小食,或者係前菜,都好适合噶。



南瓜香芋番薯蒸肉丸 23蚊
原价35蚊

营养又天然嘅一道菜,有淀粉类食材,又有肉丸,荤素搭配,美味得嚟又够晒健康。

肉丸嘅肉係腌制过嘅,本身就好有味道,而且肉质好嫩滑,唔会“鞋霎霎”。


海贝香芋浸大芥菜 26蚊
原价36蚊

用海贝嚟煮菜一直係好多厨师嘅经典菜谱,既可以增加汤嘅鲜味,又唔会令道菜太寡,绝配噶。

师傅喺呢道菜里面仲特别加入香芋,增色唔少,令汤底口感更加醇厚,而且味道都香甜D


捞起芥菜木耳支竹 13.8蚊
原价26蚊

呢个秘捞菜都唔错,芥菜、木耳同支竹都係好健康嘅食材,唔会太腻,啱好夏天开胃消食。

芥菜清甜,木耳爽滑,支竹嫩滑,三样素菜一齐食口感丰富又搭配得好match,最紧要係个捞起酱汁做得好出色,回味无穷。


河虾煮节瓜 18.8蚊
原价28蚊

节瓜可以生津消暑、健脾胃,夏天最适合用佢嚟煲汤。汤里面加入河虾一齐煮,味道变得特别清甜!



冬菜花甲肉蒸豆腐 16.8蚊
原价28元

冬菜爽脆,食入口又够咸香,用嚟蒸豆腐啱晒,唔会太斋。豆腐本身就切开一细欍一细欍,既入到味又啱大细入口食。

除此之外,花甲肉都係呢道菜嘅特色,肉质鲜甜又滑溜,同冬菜一齐蒸出嘅酱汁好香浓。


顺德煎藕饼 26蚊
原价32蚊

煎藕饼係顺德嘅一道好出名嘅菜,用爽脆嘅莲藕包裹住新鲜鲮鱼肉,做出嚟嘅藕饼鲜甜美味又弹牙

夹起一块藕饼,靠近嘴边就闻到好香嘅藕香,一啖咬入口,外脆内软,莲藕嘅香同鲮鱼嘅鲜结合得天衣无缝,真係令人一试难忘。



家乡炒蚕虫 16.8
原价28蚊

蚕虫有好丰富嘅蛋白质,仲可以和脾胃、消疳积,时不时食下都几好噶。

用双椒同姜片一齐炒蚕虫,令成道菜嘅风味特别香喉。而且蚕虫炒得好爽脆,食起身脆卜卜,滋味无穷。


陈公小炒 23蚊
原价32蚊

陈公小炒一直係粤菜里面非常热卖嘅小炒菜式,金喜悦都做得好有特色,有自己嘅风味。

用河虾代替传统嘅叉烧粒,食起身会鲜D,而且口感都会爽口D。


大盆粗斋 23蚊
原价32蚊

食咗咁多肉,係时候要嚟D斋菜消消滞,话係粗斋其实一D都唔“粗”,做法都好精细,无论係素菜搭配、火候、调味都把控得啱啱好



椰汁鲜奶原只木瓜燕 12.8蚊
原价38蚊

想要养颜美容嘅女士有福啦,咁大只真材实料个木瓜燕,只要12.8蚊香浓嘅椰汁鲜奶,搭配清润个木瓜燕,整番个润一润,食完都后生几岁啊!


专业海鲜加工,叹尽环球海鲜!



东升斑。清蒸东升斑唔止味道鲜美,仲有健脾益气、润肤养颜嘅功效添。


龙虾



长脚蟹


温馨提示

1、因优惠力度较大,以上特价菜品每张台限点3款,不便之处敬请原谅;

2、以上特价菜周六日晚市以及节假日晚市均按原价收费,售完即止;

3、海鲜加工、特价菜不可打折,不开发票;

4、图片仅供参考,最终解释权归金喜悦海鲜酒家所有。


金喜悦海鲜酒家

地址:荔湾区芳兴路398号海宝湾水产交易市场内

订座电话:020-81891088、020-89375926

营业时间:11:00——14:30;17:00——22:30

巴士:滘口汽车总站、广佛路口(滘口客运站)公交站
地铁:滘口地铁站A2出口,往佛山芳兴路方向直走200米